اردو(Urdu) English(English) عربي(Arabic) پښتو(Pashto) سنڌي(Sindhi) বাংলা(Bengali) Türkçe(Turkish) Русский(Russian) हिन्दी(Hindi) 中国人(Chinese) Deutsch(German)
2024 00:22
مقبوضہ کشمیر کی خصوصی حیثیت کا خاتمہ بھارت کی سپریم کورٹ کا غیر منصفانہ فیصلہ خالصتان تحریک! دہشت گرد بھارت کے خاتمے کا آغاز سلام شہداء دفاع پاکستان اور کشمیری عوام نیا سال،نئی امیدیں، نیا عزم عزم پاکستان پانی کا تحفظ اور انتظام۔۔۔ مستقبل کے آبی وسائل اک حسیں خواب کثرت آبادی ایک معاشرتی مسئلہ عسکری ترانہ ہاں !ہم گواہی دیتے ہیں بیدار ہو اے مسلم وہ جو وفا کا حق نبھا گیا ہوئے جو وطن پہ نثار گلگت بلتستان اور سیاحت قائد اعظم اور نوجوان نوجوان : اقبال کے شاہین فریاد فلسطین افکارِ اقبال میں آج کی نوجوان نسل کے لیے پیغام بحالی ٔ معیشت اور نوجوان مجھے آنچل بدلنا تھا پاکستان نیوی کا سنہرا باب-آپریشن دوارکا(1965) وردی ہفتۂ مسلح افواج۔ جنوری1977 نگران وزیر اعظم کی ڈیرہ اسماعیل خان سی ایم ایچ میں بم دھماکے کے زخمی فوجیوں کی عیادت چیئر مین جوائنٹ چیفس آف سٹاف کمیٹی کا دورۂ اُردن جنرل ساحر شمشاد کو میڈل آرڈر آف دی سٹار آف اردن سے نواز دیا گیا کھاریاں گیریژن میں تقریبِ تقسیمِ انعامات ساتویں چیف آف دی نیول سٹاف اوپن شوٹنگ چیمپئن شپ کا انعقاد یَومِ یکجہتی ٔکشمیر بھارتی انتخابات اور مسلم ووٹر پاکستان پر موسمیاتی تبدیلیوں کے اثرات پاکستان سے غیرقانونی مہاجرین کی واپسی کا فیصلہ اور اس کا پس منظر پاکستان کی ترقی کا سفر اور افواجِ پاکستان جدوجہدِآزادیٔ فلسطین گنگا چوٹی  شمالی علاقہ جات میں سیاحت کے مواقع اور مقامات  عالمی دہشت گردی اور ٹارگٹ کلنگ پاکستانی شہریوں کے قتل میں براہ راست ملوث بھارتی نیٹ ورک بے نقاب عز م و ہمت کی لا زوال داستا ن قائد اعظم  اور کشمیر  کائنات ۔۔۔۔ کشمیری تہذیب کا قتل ماں مقبوضہ جموں و کشمیر کی خصوصی حیثیت کا خاتمہ اور بھارتی سپریم کورٹ کی توثیق  مقبوضہ کشمیر کی خصوصی حیثیت کا خاتمہ۔۔ایک وحشیانہ اقدام ثقافت ہماری پہچان (لوک ورثہ) ہوئے جو وطن پہ قرباں وطن میرا پہلا اور آخری عشق ہے آرمی میڈیکل کالج راولپنڈی میں کانووکیشن کا انعقاد  اسسٹنٹ وزیر دفاع سعودی عرب کی چیئرمین جوائنٹ چیفس آف سٹاف کمیٹی سے ملاقات  پُرعزم پاکستان سوشل میڈیا اور پرو پیگنڈا وار فئیر عسکری سفارت کاری کی اہمیت پاک صاف پاکستان ہمارا ماحول اور معیشت کی کنجی زراعت: فوری توجہ طلب شعبہ صاف پانی کا بحران،عوامی آگہی اور حکومتی اقدامات الیکٹرانک کچرا۔۔۔ ایک بڑھتا خطرہ  بڑھتی آبادی کے چیلنجز ریاست پاکستان کا تصور ، قائد اور اقبال کے افکار کی روشنی میں قیام پاکستان سے استحکام ِ پاکستان تک قومی یکجہتی ۔ مضبوط پاکستان کی ضمانت نوجوان پاکستان کامستقبل  تحریکِ پاکستان کے سرکردہ رہنما مولانا ظفر علی خان کی خدمات  شہادت ہے مطلوب و مقصودِ مومن ہو بہتی جن کے لہو میں وفا عزم و ہمت کا استعارہ جس دھج سے کوئی مقتل میں گیا ہے جذبہ جنوں تو ہمت نہ ہار کرگئے جو نام روشن قوم کا رمضان کے شام و سحر کی نورانیت اللہ جلَّ جَلالَہُ والد کا مقام  امریکہ میں پاکستا نی کیڈٹس کی ستائش1949 نگران وزیراعظم پاکستان، وزیراعظم آزاد جموں و کشمیر اور  چیف آف آرمی سٹاف کا دورۂ مظفرآباد چین کے نائب وزیر خارجہ کی چیئرمین جوائنٹ چیفس آف سٹاف کمیٹی سے ملاقات  ساتویں پاکستان آرمی ٹیم سپرٹ مشق 2024کی کھاریاں گیریژن میں شاندار اختتامی تقریب  پاک بحریہ کی میری ٹائم ایکسرسائز سی اسپارک 2024 ترک مسلح افواج کے جنرل سٹاف کے ڈپٹی چیف کا ایئر ہیڈ کوارٹرز اسلام آباد کا دورہ اوکاڑہ گیریژن میں ''اقبالیات'' پر لیکچر کا انعقاد صوبہ بلوچستان کے دور دراز علاقوں میں مقامی آبادی کے لئے فری میڈیکل کیمپس کا انعقاد  بلوچستان کے ضلع خاران میں معذور اور خصوصی بچوں کے لیے سپیشل چلڈرن سکول کاقیام سی ایم ایچ پشاور میں ڈیجٹلائیز سمارٹ سسٹم کا آغاز شمالی وزیرستان ، میران شاہ میں یوتھ کنونشن 2024 کا انعقاد کما نڈر پشاور کورکا ضلع شمالی و زیر ستان کا دورہ دو روزہ ایلم ونٹر فیسٹول اختتام پذیر بارودی سرنگوں سے متاثرین کے اعزاز میں تقریب کا انعقاد کمانڈر کراچی کور کاپنوں عاقل ڈویژنل ہیڈ کوارٹرز کا دورہ کوٹری فیلڈ فائرنگ رینج میں پری انڈکشن فزیکل ٹریننگ مقابلوں اور مشقوں کا انعقاد  چھور چھائونی میں کراچی کور انٹرڈویژ نل ایتھلیٹک چیمپئن شپ 2024  قائد ریزیڈنسی زیارت میں پروقار تقریب کا انعقاد   روڈ سیفٹی آگہی ہفتہ اورروڈ سیفٹی ورکشاپ  پی این فری میڈیکل کیمپس پاک فوج اور رائل سعودی لینڈ فورسز کی مظفر گڑھ فیلڈ فائرنگ رینجز میں مشترکہ فوجی مشقیں طلباء و طالبات کا ایک دن فوج کے ساتھ روشن مستقبل کا سفر سی پیک اور پاکستانی معیشت کشمیر کا پاکستان سے ابدی رشتہ ہے میر علی شمالی وزیرستان میں جام شہادت نوش کرنے والے وزیر اعظم شہباز شریف کا کابینہ کے اہم ارکان کے ہمراہ جنرل ہیڈ کوارٹرز  راولپنڈی کا دورہ  چیئرمین جوائنٹ چیفس آف سٹاف کمیٹی کی  ایس سی او ممبر ممالک کے سیمینار کے افتتاحی اجلاس میں شرکت  بحرین نیشنل گارڈ کے کمانڈر ایچ آر ایچ کی جوائنٹ سٹاف ہیڈ کوارٹرز راولپنڈی میں چیئرمین جوائنٹ چیفس آف اسٹاف کمیٹی سے ملاقات  سعودی عرب کے وزیر دفاع کی یوم پاکستان میں شرکت اور آرمی چیف سے ملاقات  چیف آف آرمی سٹاف کا ہیوی انڈسٹریز ٹیکسلا کا دورہ  آرمی چیف کا بلوچستان کے ضلع آواران کا دورہ  پاک فوج کی جانب سے خیبر، سوات، کما نڈر پشاور کورکا بنوں(جا نی خیل)اور ضلع شمالی وزیرستان کادورہ ڈاکیارڈ میں جدید پورٹل کرین کا افتتاح سائبر مشق کا انعقاد اٹلی کے وفد کا دورہ ٔ  ائیر ہیڈ کوارٹرز اسلام آباد  ملٹری کالج سوئی بلوچستان میں بلوچ کلچر ڈے کا انعقاد جشن بہاراں اوکاڑہ گیریژن-    2024 غازی یونیورسٹی ڈیرہ غازی خان کے طلباء اور فیکلٹی کا ملتان گیریژن کا دورہ پاک فوج کی جانب سے مظفر گڑھ میں فری میڈیکل کیمپ کا انعقاد پہلی یوم پاکستان پریڈ انتشار سے استحکام تک کا سفر خون شہداء مقدم ہے انتہا پسندی اور دہشت گردی کا ریاستی چیلنج بے لگام سوشل میڈیا اور ڈس انفارمیشن  سوشل میڈیا۔ قومی و ملکی ترقی میں مثبت کردار ادا کر سکتا ہے تحریک ''انڈیا آئوٹ'' بھارت کی علاقائی بالادستی کا خواب چکنا چور بھارت کا اعتراف جرم اور دہشت گردی کی سرپرستی  بھارتی عزائم ۔۔۔ عالمی امن کے لیے آزمائش !  وفا جن کی وراثت ہو مودی کے بھارت میں کسان سراپا احتجاج پاک سعودی دوستی کی نئی جہتیں آزاد کشمیر میں سعودی تعاون سے جاری منصوبے پاسبان حریت پاکستان میں زرعی انقلاب اور اسکے ثمرات بلوچستان: تعلیم کے فروغ میں کیڈٹ کالجوں کا کردار ماحولیاتی تبدیلیاں اور انسانی صحت گمنام سپاہی  شہ پر شہیدوں کے لہو سے جو زمیں سیراب ہوتی ہے امن کے سفیر دنیا میں قیام امن کے لیے پاکستانی امن دستوں کی خدمات  ہیں تلخ بہت بندئہ مزدور کے اوقات سرمایہ و محنت گلگت بلتستان کی دیومالائی سرزمین بلوچستان کے تاریخی ،تہذیبی وسیاحتی مقامات یادیں پی اے ایف اکیڈمی اصغر خان میں 149ویں جی ڈی (پی)، 95ویں انجینئرنگ، 105ویں ایئر ڈیفنس، 25ویں اے اینڈ ایس ڈی، آٹھویں لاگ اور 131ویں کمبیٹ سپورٹ کورسز کی گریجویشن تقریب  پاکستان ملٹری اکیڈمی کاکول میں 149ویں پی ایم اے لانگ کورس، 14ویں مجاہد کورس، 68ویں انٹیگریٹڈ کورس اور 23ویں لیڈی کیڈٹ کورس کے کیڈٹس کی پاسنگ آئوٹ پریڈ  ترک فوج کے چیف آف دی جنرل سٹاف کی جی ایچ کیومیں چیف آف آرمی سٹاف سے ملاقات  سعودی عرب کے وزیر خارجہ کی وفد کے ہمراہ آرمی چیف سے ملاقات کی گرین پاکستان انیشیٹو کانفرنس  چیف آف آرمی سٹاف نے فرنٹ لائن پر جوانوں کے ہمراہ نماز عید اداکی چیف آف آرمی سٹاف سے راولپنڈی میں پاکستان کرکٹ ٹیم کی ملاقات چیف آف ترکش جنرل سٹاف کی سربراہ پاک فضائیہ سے ملاقات ساحلی مکینوں میں راشن کی تقسیم پشاور میں شمالی وزیرستان یوتھ کنونشن 2024 کا انعقاد ملٹری کالجز کے کیڈٹس کا دورہ قازقستان پاکستان آرمی ایتھلیٹکس چیمپیئن شپ 2023/24 مظفر گڑھ گورنمنٹ پوسٹ گریجویٹ کالج کے طلباء اور فیکلٹی کا ملتان گیریژن کا دورہ   خوشحال پاکستان ایس آئی ایف سی کے منصوبوں میں غیرملکی سرمایہ کاری معاشی استحکام اورتیزرفتار ترقی کامنصوبہ اے پاک وطن خصوصی سرمایہ کاری سہولت کونسل (SIFC)کا قیام  ایک تاریخی سنگ میل  بہار آئی گرین پاکستان پروگرام: حال اور مستقبل ایس آئی ایف سی کے تحت آئی ٹی سیکٹر میں اقدامات قومی ترانہ ایس آئی  ایف سی کے تحت توانائی کے شعبے کی بحالی گرین پاکستان انیشیٹو بھارت کا کشمیر پر غا صبانہ قبضہ اور جبراً کشمیری تشخص کو مٹانے کی کوشش  بھارت کا انتخابی بخار اور علاقائی امن کو لاحق خطرات  میڈ اِن انڈیا کا خواب چکنا چور یوم تکبیر......دفاع ناقابل تسخیر منشیات کا تدارک  آنچ نہ آنے دیں گے وطن پر کبھی شہادت کی عظمت "زورآور سپاہی"  نغمہ خاندانی منصوبہ بندی  نگلیریا فائولیری (دماغ کھانے والا امیبا) سپہ گری پیشہ نہیں عبادت ہے افواجِ پاکستان کی محبت میں سرشار مجسمہ ساز بانگِ درا  __  مشاہیرِ ادب کی نظر میں  چُنج آپریشن۔ٹیٹوال سیکٹر جیمز ویب ٹیلی سکوپ اور کائنات کا آغاز سرمایۂ وطن راستے کا سراغ آزاد کشمیر کے شہدا اور غازیوں کو سلام  وزیراعظم  پاکستان لیاقت علی خان کا دورۂ کشمیر1949-  ترک لینڈ فورسز کے کمانڈرکی چیئرمین جوائنٹ چیفس آف سٹاف کمیٹی سے ملاقات چیئرمین جوائنٹ چیفس آف سٹاف کمیٹی کاپاکستان نیوی وار کالج لاہور میں 53ویں پی این سٹاف کورس کے شرکا ء سے خطاب  کشمیر پاکستان کی شہ رگ ہے ،جنرل سید عاصم منیر چیف آف آرمی سٹاف کی ایرانی صدر ابراہیم رئیسی کی وفات پر اظہار تعزیت پاکستان ہاکی ٹیم کی جنرل ہیڈ کوارٹرز راولپنڈی میں چیف آف آرمی سٹاف سے ملاقات باکسنگ لیجنڈ عامر خان اور مارشل آرٹس چیمپیئن شاہ زیب رند کی جنرل ہیڈ کوارٹرز میں آرمی چیف سے ملاقات  جنرل مائیکل ایرک کوریلا، کمانڈر یونائیٹڈ سٹیٹس(یو ایس)سینٹ کام کی جی ایچ کیو میں آرمی چیف سے ملاقات  ڈیفنس فورسز آسٹریلیا کے سربراہ جنرل اینگس جے کیمبل کی جنرل ہیڈکوارٹرز میں آرمی چیف سے ملاقات پاک فضائیہ کے سربراہ کا دورۂ عراق،اعلیٰ سطحی وفود سے ملاقات نیوی سیل کورس پاسنگ آئوٹ پریڈ پاکستان نیوی روشن جہانگیر خان سکواش کمپلیکس کے تربیت یافتہ کھلاڑی حذیفہ شاہد کی عالمی سطح پر کامیابی پی این فری میڈیکل  کیمپ کا انعقاد ڈائریکٹر جنرل ایچ آر ڈی کا دورۂ ملٹری کالج سوئی بلوچستان کمانڈر سدرن کمانڈ اورملتان کور کا النور اسپیشل چلڈرن سکول اوکاڑہ کا دورہ گورنمنٹ کالج یونیورسٹی فیصل آباد، لیہ کیمپس کے طلباء اور فیکلٹی کا ملتان گیریژن کا دورہ منگلا گریژن میں "ایک دن پاک فوج کے ساتھ" کا انعقاد یوتھ ایکسچینج پروگرام کے تحت نیپالی کیڈٹس کا ملٹری کالج مری کا دورہ تقریبِ تقسیمِ اعزازات شہدائے وطن کی یاد میں الحمرا آرٹس کونسل لاہور میں شاندار تقریب کمانڈر سدرن کمانڈ اورملتان کورکا خیر پور ٹامیوالی  کا دورہ مستحکم اور باوقار پاکستان سکیورٹی فورسز کی کارروائیوں اور قربانیوں کا سلسلہ سیاچن دہشت گردی کے سد ِباب کے لئے فورسزکا کردار سنو شہیدو افغان مہاجرین کی وطن واپسی، ایران بھی پاکستان کے نقش قدم پر  مقبوضہ کشمیر … شہادتوں کی لازوال داستان  معدنیات اور کان کنی کے شعبوں میں چینی فرم کی سرمایہ کاری مودی کو مختلف محاذوں پر ناکامی کا سامنا سوشل میڈیا کے مثبت اور درست استعمال کی اہمیت مدینے کی گلیوں موسمیاتی تبدیلی کے اثرات ماحولیاتی تغیر پاکستان کادفاعی بجٹ اورمفروضے عزم افواج پاکستان پاک بھارت دفاعی بجٹ ۲۵ - ۲۰۲۴ کا موازنہ  ریاستی سطح پر معاشی چیلنجز اور معاشی ترقی کی امنگ فوجی پاکستان کا آبی ذخائر کا تحفظ آبادی کا عالمی دن اور ہماری ذمہ داریاں بُجھ تو جاؤں گا مگر صبح کر جاؤں گا  شہید جاتے ہیں جنت کو ،گھر نہیں آتے ہم تجھ پہ لٹائیں تن من دھن بانگِ درا کا مہکتا ہوا نعتیہ رنگ  مکاتیب اقبال ملنے کے نہیں نایاب ہیں ہم ذرامظفر آباد تک ہم فوجی تھے ہیں اور رہیں گے راولپنڈی میں پاکستان آرمی میوزیم کا قیام۔1961 چیئرمین جوائنٹ چیفس آف سٹاف کمیٹی کا ترکیہ کا سرکاری دورہ چیف آف ڈیفنس فورسز آسٹریلیا کی چیئرمین جوائنٹ چیفس آف سٹاف کمیٹی سے ملاقات چیف آف آرمی سٹاف کا عیدالاضحی پردورۂ لائن آف کنٹرول  چیف آف آرمی سٹاف کی ضلع خیبر میں شہید جوانوں کی نماز جنازہ میں شرکت ایئر چیف کا کمانڈ اینڈ سٹاف کالج کوئٹہ کا دورہ کامسیٹس یونیورسٹی اسلام آبادکے ساہیوال کیمپس کی فیکلٹی اور طلباء کا اوکاڑہ گیریژن کا دورہ گوادر کے اساتذہ اورطلبہ کاپی این ایس شاہجہاں کا مطالعاتی دورہ سیلرز پاسنگ آئوٹ پریڈ کمانڈر پشاور کور کی دہشت گردوں کے خلاف آپریشن کرنے والے انسداد دہشتگردی سکواڈ کے جوانوں سے ملاقات کما نڈر پشاور کور کا شمالی و جنوبی وزیرستان کے اضلاع اور چترال کادورہ کمانڈر سدرن کمانڈ اور ملتان کور کا واٹر مین شپ ٹریننگ کا دورہ کیڈٹ کالج اوکاڑہ کی فیکلٹی اور طلباء کا اوکاڑہ گیریژن کا دورہ انٹر سروسز باکسنگ چیمپیئن شپ 2024 پاک میرینز پاسنگ آؤٹ پریڈ 
Advertisements

علی جاوید نقوی

مضمون نگاراخبارات اورٹی وی چینلزکے ساتھ وابستہ رہے ہیں۔آج کل ایک قومی اخبارمیں کالم لکھ رہے ہیں۔قومی اورعالمی سیاست پر اُن کی متعدد کُتب شائع ہو چکی ہیں۔ [email protected]

Advertisements

ہلال اردو

نیا سال،نئی امیدیں، نیا عزم

جنوری 2024

  نیا سال ہمارے لیے نئی امیدیں اورنیا عزم لے کرآیا ہے،پاکستان کے لیے ترقی وخوشحالی کے ایک نئے دور کاآغاز ہوچکاہے۔قوم نے ایک خوشحال اورترقی یافتہ پاکستان کاجوخواب دیکھا تھا وہ جلد پورا ہونے والاہے۔پاکستان کامیابی کے ساتھ بحرانوں سے نکل آیاہے ۔دوست ممالک اورغیرملکی سرمایہ کاروں کی جانب سے اربوں ڈالرز کی سرمایہ کاری کی یقین دہانی کرائی گئی ہے۔متحدہ عرب امارات سے اس حوالے سے25ارب ڈالر اورکویت سے دس ارب ڈالر کی سرمایہ کاری کے لیے ایم اویوز پردستخط ہوچکے ہیں۔ سعودی عرب نے بھی ایک سوارب ڈالر کی سرمایہ کاری کی یقین دہانی کرائی ہے۔چین کی مدد سے سی پیک منصوبوں پربھی تیزی سے کام جاری ہے،چین پاکستان سے دوستی کاحق ادا کررہاہے۔سی پیک کے جومنصوبے مکمل ہوچکے ہیں ان کے ثمرات سامنے آناشروع ہوگئے ہیں۔گوادر پورٹ سمیت ملک کے کئی علاقوں میں صنعتوں کے قیام کے لیے دن رات کام ہورہاہے۔چند سال میں ہی پاکستان میں ایک جدید انفراسٹرکچر کھڑا ہو گیا ہے، جس پردنیا حیران ہے۔ بڑے شہروں میں فلک بوس تجارتی عمارتیں تیزی سے بن رہی ہیں۔ پاکستان سٹاک مارکیٹ مسلسل اوپرجارہی ہے۔ملکی وغیر ملکی معاشی ماہرین کی پیشن گوئی ہے کہ پاکستان اگلے چند سال میں دنیا کی 25بڑی معیشتوں میں شامل ہوجائے گا۔ جوپاکستان کے دشمنوں کادل جلانے کے لیے کافی ہے۔25کروڑ انسان ترقی کرنے اورآگے بڑھنے کاعزم کرلیں توپھرانھیں کون روک سکتاہے،قوم میں آگے بڑھنے اورکچھ کردکھانے کاجذبہ ہے،اس کے لیے وہ دن رات محنت کرنے اورقربانی دینے کے لیے تیارہے۔
 میں اپنے قارئین کوبتاتاچلوں، پاکستان میں ایک مضبوط اپرمڈل کلاس موجود ہے،اس اپرمڈل کلاس میں شامل افراد کی تعداد اڑھائی سے تین کروڑ کے درمیان ہے،جبکہ دولت مند افراد کی تعداد اس کے علاوہ ڈیڑھ کروڑہے۔ معاشی طورپرمضبوط یہ طبقہ دنیا کی بہترین مصنوعات خریدنے کی استطاعت رکھتاہے۔ہمارے یہاں یہ بات توہوتی ہے کہ مہنگائی اوربے روزگاری کے باعث اتنے افراد غربت کی سطح سے نیچے چلے گئے ہیں،لیکن اس بات کاذکر کرنابھی ضروری ہے کہ کتنے افراد اپر مڈل کلاس کاحصہ ہیں۔اگراعداد وشمار کودیکھا جائے توان اڑھائی سے تین کروڑ افراد کی تعداد کئی یورپی ممالک کی آبادی سے بھی زیادہ ہے۔ ملٹی نیشنل کمپنیوں کی مجبوری ہے کہ وہ اپنی پراڈکٹس بیچنے کے لیے پاکستان کارخ کریں۔ سیاسی ومعاشی استحکام کے باعث یہ کمپنیاں یقینی طورپر پاکستان میں سرمایہ کاری کریں گی۔ملک بھرمیں پھیلی ہوئی پوش ہاوسنگ سوسائیٹیز، مہنگی گاڑیاں ،مہنگے ریسٹورانٹس اور سامان تعیشات سے بھرے شاپنگ مالز اس بات کاثبوت ہیں کہ پاکستانی قوم کاایک طبقہ ان اشیاء کی خریداری کی قوت رکھتاہے۔ان میں صنعت کار،بڑے تاجر، ٹیکنوکریٹس، ڈاکٹرز،انجینئرزاورسرمایہ کار شامل ہیں۔ہمیں یہ بات ذہن میں رکھنے کی ضرورت ہے کہ معاشی پالیسیوں اوراصلاحات کے باعث راتوں رات معاشی انقلاب نہیں آتا۔معاشی ترقی کئی دہائیوں پرمشتمل پالیسیوں اوراقدامات کانتیجہ ہوتی ہے۔ چین اوردوسرے ترقی یافتہ ممالک کی مثال ہمارے سامنے ہے۔ پاکستان کے پنج سالہ منصوبوں کی کاپی کرنیوالا جنوبی کوریا آج دنیا کے لیے مثال ہے۔ جن ممالک میں سیاسی استحکام اورمعاشی پالیسیوں میں تسلسل رہا وہ آج دنیاکے ترقی یافتہ ممالک میں شامل ہیں ۔مجھے یقین ہے کہ نیاسال اورآنیوالے سال پاکستان کے لیے خوشحالی اور ترقی کے نئے دروازے کھول دیں گے۔
 ایس آئی ایف سی (اسپیشل انویسٹمنٹ فسیلیٹیشن کونسل) بھی پاکستان کی تقدیر بدلنے میں اہم کردار ادا کررہی ہے۔نگران وزیراعظم انوار الحق کاکڑ اور آرمی چیف جنرل سید عاصم منیر مشرقی وسطیٰ کے دورے پر گئے اوردوست عرب ممالک سے اربوں ڈالر کی انویسٹمنٹ کی یقین دہانی لے کر آئے۔ غیرملکی سرمایہ کاری لانے میں ایس آئی ایف سی کونظرانداز نہیں کیاجاسکتا۔ اس کے قیام کامقصد ہی غیرملکی سرمایہ کاروں کے لیے ون ونڈو کے تحت بہترین ماحول فراہم کرنا اورغیرضروری رکاوٹوں سے نجات دلاناہے۔ایس آئی ایف سی نے زراعت، انفارمیشن ٹیکنالوجی، انرجی اور کان کنی (منرلز) کے شعبوں پرفوکس کیاہے۔کئی منصوبوں پرتیزی سے کام جاری ہے۔ زراعت کے شعبے میں پرانے طریقوں کے بجائے بائیو ٹیکنالوجی کا استعمال شروع کیاجارہاہے،اس سے پاکستان میں چند سال میں ہی زرعی انقلاب آجائے گا۔ معاشی ترقی کے لیے حکومت کی جانب سے لانگ ٹرم اورشارٹ ٹرم منصوبہ بندی کی گئی ہے۔ معاشی پالیسیوں اوراصلاحات سے نہ صرف معیشت مضبوط ہوگی بلکہ پاکستان ایشین ٹائیگر بن کرابھرے گا۔نوجوانوں اورخواتین کوہنرمند بنانے کے لیے وفاقی اورصوبائی سطح پرکئی پروگرام شروع کیے گئے ہیں جن میں لاکھوں نوجوان تربیت حاصل کررہے ہیں۔ یہ ہنرمندنوجوان چند سال میں ہی معاشی انقلاب برپاکردیں گے۔
 ماہرین کے مطابق آئی ٹی سیکٹر میں بہت گنجائش ہے ہمارے تربیت یافتہ نوجوان 30 ارب ڈالر تک ملک میں لانے کی صلاحیت رکھتے ہیں۔ گذشتہ سال حکومت نے ایس آئی ایف سی کے تحت انفارمیشن ٹیکنالوجی میں سرمایہ کاری کے لیے پانچ بڑے منصوبوں کا اعلان کیا تھا جن میں باصلاحیت نوجوانوں کے آئی ٹی پراجیکٹس کو فروغ دینے کے لیے ٹیک ڈیسٹی نیشن پاکستان برانڈ، آئی ٹی کی تربیت کی فراہمی کے لیے ٹیک لفٹ بوٹ کیمپ، کشمیر میں خواتین کو آئی ٹی کی تعلیم فراہم کرنے کے خواتین یونیورسٹی باغ میں نالج پارک، گیمنگ اور اینمیشن کا سینٹر آف ایکسیلینس اور فیصل آباد میں زراعت انفارمیشن ٹیکنالوجی انکیوبیٹر سنٹر شامل ہیں۔ان پراجیکٹس پرکام جاری ہے۔نگران حکومت نے پنجاب اوردوسرے صوبوں میں بھی اس حوالے سے خصوصی سنٹرقائم کیے ہیں۔لاکھوں نوجوانوں کو ہنرمند بنانے کے لیے دن رات کام ہورہاہے۔یہ صنعتی وتجارتی ترقی پاکستان کوایک خوشحال ریاست بنادے گی۔پاکستانی معیشت کو سو ارب ڈالر سے زیادہ تک لے جایاجاسکتاہے۔پاکستانی مصنوعات کی دنیا بھرمیں مانگ ہے اوراس میں مسلسل اضافہ ہورہاہے،حکومت نے برآمدات میں اضافے کے لیے خصوصی اقدامات کیے ہیں۔ ایس آئی ایف سی بھی برآمدات بڑھانے کے لیے دن رات کام کررہی ہے۔ایکسپورٹ کی راہ میں جومشکلات تھیں انھیں ہنگامی بنیادوں پردور کیاجارہاہے۔اس حوالے سے امریکہ اوریورپ سمیت شنگھائی تعاون تنظیم پربھی فوکس کیاگیاہے،ان ممالک کاتجارتی حجم ٹریلین ڈالرز میں ہے۔ماہرین کے مطابق ایکسپورٹ بڑھانے کے لیے نئے روٹس تلاش کیے گئے ہیں،بڑے جوائنٹ وینچرز کیے جارہے ہیں،پاکستان کوتمام فورمز سے مثبت جواب ملاہے۔ٹیکسٹائل مصنوعات کے ساتھ ،آلات جراحی ،کھیلوں کی مصنوعات، انفارمیشن ٹیکنالوجی ،پھل وسبزیاں اورقیمتی پتھروں اورمعدنیات کی ایکسپورٹ بڑھانے کے لیے کئی معاہدے ہوئے ہیں۔ایس آئی ایف سی کی کوششوں سے غیرملکی سرمایہ کار، مختلف شعبوں میں سرمایہ کاری کرنے کے لیے دلچسپی دکھا رہے ہیں۔
  پچھلے چند ماہ میں پاکستان سٹاک ایکسچینج میں ریکارڈ تیزی آئی ہے جس نے ماضی کے تمام ریکارڈ توڑ دیے ہیں۔بیرونی سرمایہ کاروں نے بھی اربوں روپے کی سرمایہ کاری کی ہے۔مارکیٹ کی کیپٹلائزیشن بیس ارب ڈالر سمجھی جاتی ہے،معاشی ماہرین کے مطابق شیئرزمیں ابھی مزید تیزی آئے گی،نئی کمپنیاں رجسٹرڈ ہونے کی بھی امید ہے ۔بینکوں نے ایک سوپچاس ارب روپے کامنافع اپنے شیئرز ہولڈرز میں تقسیم کیاہے۔جن ممالک میں بینک دیوالیہ ہونے کی بجائے منافع کمارہے ہوں ان کی معیشت کوبہترین سمجھا جاتاہے۔پاکستان میں سٹاک مارکیٹ میں سرمایہ کاری کرنیوالوں کی تعداد آٹے میں نمک کے برابر ہے۔امریکی ڈالر کے مقابلے میں پاکستانی روپیہ مضبوط ہوا ہے۔زرمبادلہ کے ذخائر میں بھی اضافہ ہواہے جبکہ آئی ایم ایف سے بھی اچھی خبریں آرہی ہیں۔معاشی ماہرین اسے پاکستانی معیشت کے لیے اچھی خبرقراردے رہے ہیں۔ پاکستان کوسیاسی و معاشی طورپرآج بھی دنیا کے طاقت ور ممالک میں شامل کیاجاتاہے۔ امریکی ویب سائٹ یوایس نیوزاینڈ ورلڈ رپورٹ چند سال پہلے بھی امریکہ کوپہلی اورپاکستان کو بائیسویں معیشت قراردے چکی ہے۔ غیرجانب دار عالمی جرائد اورادارے اپنی رپورٹس میں اس بات کااقرارکرچکے ہیں کہ پاکستان میں جی 20 ممالک میں شامل ہونے کی صلاحیت ہے۔ اگرصرف فوجی قوت کاموازنہ کریں تودنیا کے تمام بڑے ادارے اس بات کوتسلیم کرتے ہیں کہ پاکستان دنیا کی چند بڑی فوجی طاقتوں میں سے ایک ہے ۔جاپان ،فرانس اوراٹلی کانمبر ہمارے بعد ہے۔ پاکستان آج بھی عالم اسلام کی سب سے بڑی فوجی قوت ہے۔
 دہشت گردی کے خلاف جنگ میں کامیابی حاصل کرکے پاکستان نے دنیا کے لیے مثال قائم کی ، ہمت اورجذبہ ہو توکم وسائل کے باوجود دشمنوں کوشکست دی جاسکتی ہے۔ دہشت گردی کے خاتمے کے لیے جان ومال کی قربانیاں پاکستانی فورسز اورعوام نے دیں لیکن اس کے ثمرات پوری دنیا سمیٹ رہی ہے،پاکستان دہشت گرد وں کاخاتمہ نہ کرتا تو خدشہ تھاکہ کہیں یہ پوری دنیا میں نہ پھیل جائیں۔ دہشت گرد گروپوں کے خلاف ہماری جنگ ابھی ختم نہیں ہوئی، یہ مکمل کامیابی تک جاری رہے گی اورپوری قوم اس جنگ میں اپنی فورسز کے ساتھ شانہ بشانہ کھڑی ہے۔ہمارے جوان اپنی جانوں کی قربانیاں دے کردوسروں کے کل کومحفوظ اوربہتر بنارہے ہیں۔پاکستان نے دنیا میں قیام امن کے لیے اقوام متحدہ اوردیگر عالمی فورمز سمیت ہرسطح پر اپنی ذمہ داریاں دوسروں سے بڑھ کرادا کی ہیں ۔اقوام متحدہ کے جنرل سیکرٹری اس بات کاکئی دفعہ اعتراف بھی کرچکے ہیں۔فورسز کی قربانیوں کے باعث امید ہے نیا سال پاکستانی قوم اوردنیا بھر کے لیے امن اورخوشحالی کاسال ہوگا۔
  پاکستان ان خوش قسمت ممالک میں شامل ہے جس کی بڑی آبادی نوجوانوں پرمشتمل ہے،یہ باصلاحیت نوجوان ہی پاکستان کاروشن مستقبل ہیں۔ یہ دنیا کوبدلنے اوردنیا کی ترقی میں اپنا کردار ادا کررہے ہیں۔پاکستان کی چونسٹھ فیصد آبادی کی عمر 30سال سے کم ہے۔ نوجوانوں کی آبادی کے اعتبارسے ہم دنیا میں چوتھے نمبرپرہیں۔عالمی معیشت اوردنیاکامستقبل نوجوانوں کے ہاتھوں میں ہے ۔پاکستان کے کروڑوں نوجوان دنیا کی قیادت کرنے کی صلاحیت رکھتے ہیں۔ہمارے نوجوان ایک ڈیجیٹل، گلوبلائزڈ اورحیران کن ترقی کرتی دنیا میں پیدا ہوئے ہیں۔ وہ لوگ جو اپنی زندگی کی پچاس بہاریں دیکھ چکے ہیں،ان کے لیے اس تیزی سے ترقی کوسمجھنااوراس کے ساتھ قدم سے قدم ملا کرچلناذرا مشکل ہے،لیکن ہمارے نوجوان یہ کام کرسکتے ہیں۔ آج جب کئی یورپی ممالک اورجاپان جیسے ملک میں نوجوانوں کی تعداد مسلسل کم ہورہی ہے،بزرگوں کی تعداد بڑھ رہی ہے،ان ممالک کو افرادی قوت کی شدید کمی کاسامناہے۔ ایک دور تھا زیادہ آبادی کوبوجھ سمجھا جاتاتھا۔ چین،برازیل اوراسلامی ملک انڈونیشیا نے اپنی زیادہ آبادی کابھرپورفائدہ اٹھایا، اپنے نوجوانوں کوہنرمند بنایااوربرآمدات بڑھا کر معیشت کومضبوط بنایا۔ پاکستان 24 کروڑ سے زیادہ آ بادی کے ساتھ دنیا میں پانچویں نمبر پرہے۔ ذرا تصورکیجیے ہم اس بڑی آبادی کومختلف شعبوں میں مہارت پیدا کرکے باآسانی دنیا کی پانچویں بڑی معیشت بن سکتے ہیں۔ہرشخص کوئی کام کرے،اپنے حالات بہتر بنائے،ملک وقوم کی تقدیر بھی بدل جائے گی۔پاکستانی دنیا کے ہرملک میں مل جائیں گے،امریکہ ہویابرطانیہ یا یورپ کاکوئی چھوٹا ساملک ہو،پاکستانی وہاں کی ترقی میں اپنامثبت کردار ادا کررہے ہیں۔ 
 کسی بھی ملک کی ترقی کاانحصار اب روایتی ٹیکنالوجی کی بجائے ڈیجیٹل ٹیکنالوجی اورنئی کمپیوٹر،سافٹ وئیر ایجادات پر ہے۔امریکی اورچینی کمپنیاں سکس جی کے تجربات کررہی ہیں جبکہ بہت سے ممالک فائیو جی کی طرف منتقل ہوچکے ہیں۔ اچھی خبر یہ ہے کہ پاکستان میں بھی فائیو جی ٹیکنالوجی لانے کے لیے اقدامات ہورہے ہیں۔ جس سے آئی ٹی سیکٹرکی ترقی میںبہت مدد ملے گی۔
 موجودہ دور میں زراعت ،زرعی صنعتوں کی ترقی اور پائیدار شرح نمو کے لیے جدید ٹیکنالوجی کا استعمال بہت ضروری ہے۔ فوڈ سکیورٹی، صنعتوں کے لیے خام مال کی فراہمی، روزگار پیدا کرنے اور دیہی آبادی کی ترقی میں زراعت کا کردار انتہائی اہم ہے۔ بہت سے ممالک کے لیے زراعت برآمدی آمدنی کا اہم ذریعہ ہے اور مجموعی اقتصادی ترقی اور استحکام میں اہم کردار ادا کرتی ہے۔پاکستان میں جدید زرعی ٹیکنالوجی کے استعمال، ہائبرڈ بیج کی نئی اقسام اور سازگار پالیسی ماحول کے باعث زرعی شعبے میں انقلاب برپا ہونے کی امید ہے۔فی ایکڑ پیداوار میں اضافے سے جہاں کسان کو فائدہ ہوگا وہیں مجموعی پیداوار بھی بڑے گی۔ 
  سی پیک،چین کے تعاون سے شروع کیے گئے منصوبوں خصوصاً گوادر کی ترقی سے نہ صرف پاکستان بلکہ اس خطے کی تقدیر بدل رہی ہے ۔ گوادر پورٹ سے ترقی کانیا باب شروع ہونیوالا ہے۔اس سے عوام کی زندگی میں بھی بنیادی تبدیلیاں آئیں گی۔روزگار کے نئے مواقع پیدا ہوں گے اورلوگوں کی آمدنی میں بھی اضافہ ہوگا۔پاکستان میں سیاسی اورمعاشی استحکام کے باعث کئی دوست ممالک اورغیر ملکی سرمایہ کار اربوں ڈالر کی سرمایہ کاری کے لیے تیارہیں۔ نیوم سٹی منصوبے کے باعث توقع ہے کہ وہاں بھی بڑی تعداد میں پاکستانی آئی ٹی ڈیجیٹل ماہرین کی ضرورت ہوگی ،بحیرہ احمر پربننے والا نیوم سٹی منصوبہ یقینی طورپردنیا کے لیے ایک عجوبہ ہوگا۔ 
  ملک کوترقی دینے کے لیے ہمیں آئی ٹی اورصنعت وتجارت پرتوجہ دینے کی ضرورت ہے۔ سرمایہ کاروں نے نئی صنعتیں لگانے پرتوجہ نہیں دی۔ اب ہمیں اپناقبلہ درست کرنے کی ضرورت ہے۔اپنی ترجیحات کا نئے سرے سے تعین کرناضروری ہوگیاہے۔
   پاکستان کی جغرافیائی اہمیت کے باعث بھی دنیا کے ترقی یافتہ ممالک کے لیے ممکن نہیں کہ ہمیں نظراندازکریں۔پاکستان کے ایک طرف اس کادوست ملک چین ہے،جوعالمی افق پرایک بڑی معاشی اورفوجی قوت بن کرابھرا ہے،چین کے ساتھ دفاعی اورتجارتی تعاون مسلسل بڑھ رہاہے،دونوں ممالک کی دوستی دنیا کے لیے مثال ہے۔ہمسایہ ملک ایران سے برادرانہ تعلقات ہیں،ایران کے راستے ترکی اوریورپ تک زمینی رسائی کے مواقع ہیں۔ایران سے مال کے بدلے مال کے معاہدوں سے دونوں ملکوں کو فائدہ ہوگا۔ افغانستان کے راستے سنٹرل ایشیا اورروس تک تجارت کے فروغ کے امکانات روشن ہیں۔امریکہ اوریورپ پاکستانی مصنوعات کی بڑی منڈی ہیں۔ مڈل ایسٹ خصوصاً سعودی عرب اورمتحدہ عرب امارات سے اسٹریٹیجک پارٹنرشپ ہے۔برادرممالک سعودی عرب اورمتحدہ عرب امارات نے ہرمشکل میں پاکستان کی مدد کی ہے۔اسی طرح ترکی اور قطر،سمیت کئی اسلامی ممالک کے ساتھ پاکستان کے مثالی دوستانہ تعلقات ہیں۔پاکستان دوست ممالک کی مدد اوراپنی کوششوں سے معاشی بحران سے نکل آیا ہے اورترقی کے راستے پرگامزن ہے۔جولوگ پاکستان کے دیوالیہ اوربلیک لسٹ ہونے کاخواب دیکھ رہے تھے انھیں سوائے ذلت ورسوائی کے کچھ نہیں ملا۔ 
 پاکستان اورپاکستانیوں کے پاس ایک ایساہتھیار ہے جس پرہم زیادہ غور نہیں کرتے،یہ چیز دنیا کے بہت کم ممالک میں بسنے والوں میں ہے اور وہ ہے اپنے وطن پاکستان سے دل وجان سے محبت، اپنے پاکستانی ہونے پرفخر۔ کہنے کویہ عام سی بات ہے،وطن سے باہر جائیں توپھراحساس ہوتاہے ہمارا سب کچھ اورہماری پہچان توپاکستان ہے۔ میں آپ کواپناایک واقعہ سناتا ہوں،لندن سے امریکن ائیر لائن پر واشنگٹن جارہاتھا۔ میرے ساتھ والی سیٹ پرایک نوجوان تھا جو شکل وصورت سے امریکی لگتاتھا،گپ شپ کاآغاز ہوا میں نے پوچھا کس ملک سے تعلق ہے اس نے جواب دیا امریکی شہری ہوں، میں نے اسے بتایا کہ میں پاکستان سے ہوں، پاکستان کے بارے میں جتنی مثبت باتیں تھیں میں نے ان کاذکر کیا، بہت حیران ہوا،کہنے لگا بدقسمتی سے اُس نے منفی پروپیگنڈا زیادہ سنا ہے، اس نوجوان نے پاکستانی کرنسی اورپاسپورٹ دیکھنے کی خواہش کااظہار کیا۔میں نے پاکستانی روپے اوراپنا پاسپورٹ اسے دیکھایا۔اس نے قائداعظم کی تصویر اورپاکستانی روپوں کے ڈیزائن کی تعریف کی۔ ہماری گفتگو جاری رہی،وہ پھر کچھ سوچ کربولا اورمعذرت کرنے لگاکہ اس نے مجھ سے جھوٹ بولا ہے وہ امریکی شہری نہیں ہے۔ اس کاتعلق ایک یورپی ملک اسٹونیا سے ہے،اس نے مجھے مرعوب کرنے کے لیے خود کو امریکی شہری بتایا لیکن جب میں نے اپنا تعارف پاکستانی کی حیثیت سے کرایا تواسے بہت اچھا لگا کہ اپنے پاکستانی ہونے پربہت فخر ہے۔ اس کی حب الوطنی نے بھی جوش مارا۔ آپ دنیا میں کہیں چلے جائیں پاکستان سے تعلق رکھنے والے، چاہے انہوں نے وہاں کی شہریت ہی کیوں نہ اختیارکرلی ہو، اپناتعارف پاکستانی کی حیثیت سے کراتے ہوئے فخر محسوس کرتے ہیں۔ پاکستانی قوم بے پناہ صلاحیتوں کی مالک ہے،دنیا کاشاید ہی کوئی ملک ہوجہاں پاکستانیوں نے اپنی صلاحیتوں کالوہا نہ منوایاہو۔آئی ٹی،میڈیکل،سائنس وٹیکنالوجی سمیت ہرشعبے میں لاکھوں پاکستانی دنیابھرمیں خدمات انجام دے رہے ہیں۔
  پاکستان میں ایک طرف آسمان سے باتیں کرتے پہاڑ ہیں تودوسری طرف گرم پانی کاگہرا سمندر،طویل ریگستان اورسرسبز میدان، دنیا کے بہت کم ممالک ہیں جہاں اتنے موسم اوراتنے خوبصورت نظارے دیکھنے کوملیں گے۔ پاکستان کے شمالی علاقے سکردو اورہنزہ دیکھنے والوںکو اپنے سحر میں جکڑلیتے ہیں۔ یہ علاقے سوئٹزرلینڈ سے زیادہ حسین اوردل فریب ہیں۔سیاحت کوفروغ دینے کے لیے حکومت اورنجی شعبے کی جانب سے اقدامات کیے گئے ہیں جس کے نتیجہ میں ملکی وغیر ملکی سیاحوں نے ان تفریحی مقامات کارخ کیاہے،ہم جانتے ہیں دنیا کے کئی ممالک صرف سیاحت کی صنعت سے سالانہ اربوں ڈالر کما رہے ہیں۔امید ہے کہ اس سال دنیا خوبصورت اورپرامن پاکستان دیکھنے کے لیے آئے گی ۔


مضمون نگاراخبارات اورٹی وی چینلزکے ساتھ وابستہ رہے ہیں۔ ایک قومی اخبارکے لیے کالم بھی لکھتے ہیں۔قومی اورعالمی سیاست پر اُن کی متعدد کُتب شائع ہو چکی ہیں۔
[email protected]


 

 

علی جاوید نقوی

مضمون نگاراخبارات اورٹی وی چینلزکے ساتھ وابستہ رہے ہیں۔آج کل ایک قومی اخبارمیں کالم لکھ رہے ہیں۔قومی اورعالمی سیاست پر اُن کی متعدد کُتب شائع ہو چکی ہیں۔ [email protected]

Advertisements